Turais Scoile Dánlainne ar Líne ag baint úsáid as Straitéis Amharcsmaointeoireachta ag Ionad Ealaíon Solstice
Turas Dánlann Solstice ag baint úsáid as Straitéisí Amharcsmaointeoireachta
Ionad Ealaíon Solstice
Dátaí: Amanna agus dátaí éagsúla ar fáil
Cuireann Ionad Ealaíon Solstice fáilte roimh scoileanna trí cinn dá saothair ealaíne sa taispeántas Surveyor a fhiosrú ó chompord an tseomra ranga. Bainfidh a gcomhordaitheoir foghlama rannpháirtíochta Deirdre Rogers úsáid as Straitéisí Amharcsmaointeoireachta (VTS) chun smaointe na scoláirí maidir le ‘cad atá ag tarlú sna saothair ealaíne seo’ a leathnú. Agus plé ó phiara go piara á spreagadh, is deis é seo do scoláirí díriú agus smaointeoireacht a dhéanamh ar pheirspictíochtaí éagsúla, a chuirfidh leis an rannpháirtíocht i bhfoghlaim trí ealaín agus leis an taitneamh a bhaintear aisti. Foghlaimeoidh na scoláirí faoi na healaíontóirí a chruthaigh na saothair a fhiosróidh siad mar chuid den phlé faoin Straitéis Amharcsmaointeoireachta, agus d’fhéadfadh sé go spreagfaí iad lena gcuid saothar ealaíne féin a chruthú!
Tá na turais scoile ar líne seo saor in aisce. Tá siad oiriúnach do scoláirí ó rang a 2 – 6 agus scoláirí i ngach aoisghrúpa ag leibhéal na hiar-bhunscoile. Is féidir an turas agus na comhráite a dhéanamh ar an láthair sa dánlann nó ar Zoom. Teastaíonn rochtain idirlín mhaith más fearr leat freastal trí Zoom.
Dátaí: Tá amanna agus dátaí éagsúla ar fáil, fiosraigh maidir leis an dáta & an t-am is fearr leat.
Chun tuilleadh eolais a fháil, féach ar: solsticeartscentre.ie/event/online-school-gallery-tours-using-vts nó téigh i dteagmháil le deirdre.rogers@solsticeartscentre.ie.