Bí réidh le haghaidh Lá Náisiúnta Thairseach na nEalaíon san Oideachas 2022!
Osclófar áirithintí ticéad, an 5 Deireadh Fómhair 2022
Beidh Lá Náisiúnta Thairseach na nEalaíon san Oideachas 2022 ar siúl in Ollscoil Teicneolaíochta Bhaile Átha Cliath, Scoil na hEalaíne agus Deartha ar an Satharn, an 5 Samhain, i gcomhar le Scoil na hEalaíne agus Deartha agus Tionscadal Comhpháirtíochta Idirnáisiúnta Múinteora-Ealaíontóra (I-TAP-PD) PD Erasmus+.
Fógrófar sceideal iomlán an chláir i mbliana Dé Céadaoin, an 5 Deireadh Fómhair, tráth a osclófar na háirithintí ticéad ar líne. Roimhe sin, bhíomar ag iarraidh píosa beag a thaispeáint duit den mhéid a bheidh ann ag an gcomhdháil i bpearsa i mbliana. Cuirfear béim faoi leith ar ‘Glóir nach gCloistear go Minic’, ar an lá, agus an clár ag déanamh próifíliú ar thionscadail a dhéanann ionadaíocht ar pháistí ó phobail éagsúla agus ar pháistí nach gcloistear rómhinic.
Mar a fógraíodh cheana, beidh an Bhantiarna Evelyn Glennie, cnagcheoltóir aonair agus cumadóir inár dteannta, le haghaidh comhrá speisialta le Mark O’Brien, Stiúrthóir Feidhmiúcháin Amharclann na Mainistreach. Tá ríméad orainn a bheith inár gcomhpháirtí freisin leis an Tionscadal Comhpháirtíochta Idirnáisiúnta Múinteora-Ealaíontóra (I-TAP-PD) PD Erasmus+, a dhéanfaidh an fhoghlaim atá ag teacht chun cinn a iniúchadh agus a roinnt leis an Tionscnaíocht KA2 Erasmus+ 2020–2023.
An Chéad Amharc ar Chlár Lá Náisiúnta Thairseach na nEalaíon san Oideachas 2022
Cur i láthair Plé-Bhunaithe: The Hare’s Nook / Cúinne an Ghiorria
Cas leis an ealaíontóir Zoë Uí Fhaoláin Green, leis an scríbhneoir Emer Fallon, leis an oideoir Darach Ó Murchú agus leis an ealaíontóir Manuela Dei Grandi agus iad ag plé rudaí a foghlaimíodh ó ‘Cúinne an Ghiorria (The Hare’s Nook)’, clár bunscoile dátheangach a ceapadh chun mothú maoirseachta agus nasc spraíúil a chothú idir an scoláire agus a thimpeallacht.
Ceardlann Chruthaitheach: Réitithe Cruthaitheacha a Fhiosrú le hAthrú Aeráide tríd na hEalaíona agus Úsáid á Baint as Cur Chuige STEAM
Sa cheardlann eispéireasach seo, tabharfaidh Evelyn Sorohan, ealaíontóir comhshaoil agus oideoir, cuireadh do rannpháirtithe bealaí a fhiosrú chun na healaíona a chothú chun fadhbanna comhshaoil amhail an tAthrú Aeráide a thaiscéaladh. Tabharfar spreagadh do rannpháirtithe fadhbanna a réiteach, cruthú agus cumadh go comhoibríoch mar fhreagra ar thrí théama aeráide chun scileanna agus smaointe a fhágáil leo ar féidir a úsáid ina gcleachtadh.
Féachaint Ar Líne: Cuirfimid rogha de na príomhchainteanna agus na príomhchuir i láthair ar fáil do na daoine nach bhfuil in ann a bheith linn i bpearsa ar an lá, agus beifear in ann féachaint orthu tar éis na comhdhála. Beidh clárúchán ag teastáil don fhéachaint.
Osclófar áirithintí ticéad ag 12 meán lae, Dé Céadaoin an 5 Deireadh Fómhair 2022. Tá na ticéid saor in aisce ach tá sé riachtanach áit a chur in áirithe, mar go bhfuil teorainn ar spás do dhaoine. Nuair a dheimhneofar an áirithint, iarrfar ar an lucht freastail a seisiúin a roghnú roimh ré don lá.