Lá Náisiúnta Thairseach na nEalaíon san Oideachas 2022 – Achoimre

Tairseach na nEalaíon san Oideachas 

Ar an Satharn 5 Samhain, tháinig pobal ár n-ealaíontóirí agus múinteoirí agus gairmithe do na healaíona san oideachas le chéile do Lá Náisiúnta Thairseach na nEalaíon san Oideachas, an seachtú lá bliantúil agus an chéad chomhdháil náisiúnta a reáchtáladh ar an láthair ó bhí 2019 ann. Bhí imeacht na bliana seo ar siúl in East Quad, Ollscoil Teicneolaíochta Bhaile Átha Cliath i gcomhar le hOllscoil Teicneolaíochta Bhaile Átha Cliath, Scoil na hEalaíne agus Deartha agus Conservatoire an Cheoil agus na Drámaíochta agus Tionscadal Comhpháirtíochta Idirnáisiúnta Múinteora-Ealaíontóra (I-TAP-PD) PD Erasmus+.

D’oscail John Walsh, Ceann Scoile, Ollscoil Teicneolaíochta Bhaile Átha Cliath, Scoil na hEalaíne agus Deartha, go hoifigiúil an chomhdháil agus níos déanaí sa lá rinne John turas timpeall cuid de champas an East Quad agus thug sé deis do na toscairí súil a chaitheamh ar na háiseanna úrscothacha atá ar fáil do scoláirí.

Bhí fócas speisialta in imeacht na bliana seo ar ‘Guthanna is annamh a Chluintear’ agus chonacthas an gnáthmheascán de chuir i láthair, de chuir i láthair níos lú phlé-bhunaithe agus de cheardlanna cruthaitheacha lena ndeachthas i ngleic leis an téama seo. Ba dheis é an Lá Náisiúnta freisin do chomhghleacaithe ó Thionscadal Comhpháirtíochta Idirnáisiúnta Múinteora-Ealaíontóra (I-TAP-PD) PD Erasmus+ an fhoghlaim atá ag teacht chun cinn a iniúchadh agus a roinnt trí dhá sheisiún leis an Tionscnaíocht KA2 Erasmus+ 2020–2023.

[caption id="attachment_8346" align="alignnone" width="799"] Creidiúint na híomhá: An t-eochairchainteoir Bantiarna Evelyn Glennie i mbun comhrá le Mark O’Brien, Stiúrthóir Feidhmeannach Amharclannach na Mainistreach. Grianghraf le Cían Flynn, lookalive.ie[/caption]

Ba é a bhí i gceist le heochairchaint na bliana seo, comhrá idir an t-aoichainteoir, cnagcheoltóir agus taibheoir aonair an Bhantiarna Evelyn Glennie, a shuigh síos le Mark O’Brien, Stiúrthóir Feidhmiúcháin Amharclann na Mainistreach. Phléigh an bheirt, le linn cainte an-spéisiúil ar fad a mhair nach mór uair an chloig, an chéad taithí a fuair an Bhantiarna Evelyn ar an gceol sa bhunscoil, a caillteanas éisteachta, smaoineamh na rathúlachta, agus chaoi a raibh éisteach iarmharach agus an tobchumadóireacht ina ngnéithe tábhachtacha ina forbairt ghairmiúil.

Sa seisiún iomlánach ina dhiaidh sin, labhair an Bhantiarna Evelyn faoin tábhacht a bhaineann le héisteacht.

“Sílim gurb é an éisteacht an ghné a dhéanann daonna muid, le fírinne’’
“Más féidir linn an tuiscint seo go n-éistear linn a chothú, agus céard is ciall leis sin i ndáiríre, ní chiallaíonn éisteacht go bhfuil muid ag idirghníomhú le fuaim. Is éard atá i gceist go bhfuilimid ag idirghníomhú le staid ina bhfuilimid.” (aistrithe go Gaeilge)

Ba dheis freisin Lá Náisiúnta an Tairsigh 2022 do Choiste Eagarthóireachta an Tairsigh a phlean straitéiseach nua ‘Pobal Cleachtais: Straitéis cúig bliana Thairseach na nEalaíon san Oideachas,
Acmhainn náisiúnta na hÉireann do na healaíona agus cruthaitheacht san oideachas. Sheol an Dr Katie Sweeney, Cathaoirleach an Tairsigh agus an Stiúrthóir Náisiúnta do Chomhtháthú na nEalaíon in Oideachas (RO) an plean go hoifigiúil agus bhí cóipeanna ar fáil ar an lá do thoscairí agus cuirfear in airde mar cháipéis bheo agus inrochtana ar shuíomh gréasáin an Tairsigh sna míonna amach romhainn é.

[caption id="attachment_8345" align="alignnone" width="799"] Creidiúint íomhá: St. Agnes Teenage Chamber Orchestra leis an stiúrthóir Jimmy Kavanagh. Grianghraf le Cían Flynn, lookalive.ie[/caption]

Cuireadh deireadh leis an lá ar chruinnigh pobal na n-ealaíon san oideachas le chéile le bheith ag roinnt, ag foghlaim, ag labhairt, le bheith spreagtha agus ag leanúint de bheith ag fiosrú dea-chleachtais sa réimse lena linn le taibhiú ó St. Agnes Teenage Chamber Orchestra faoi a rinne an stiúrthóir Jimmy Kavanagh a stiúradh.

Is mian linn buíochas a ghabháil lenár n-aoichainteoirí go léir, leis na healaíontóirí agus le gach duine a bhí linn chun páirt a ghlacadh sa chomhrá.

Bí ag faire amach dár bhfíseán achoimre a chuirfear amach go luath!

Is féidir breathnú siar ar líne ar rogha de na príomhchainteanna agus na príomhchuir i láthair. Tá rochtain ar chlárúchán chun breathnú ar an tsraith seo ag an nasc anseo.

[caption id="attachment_8354" align="alignnone" width="924"] Creidiúint íomhá: 2022 National Arts in Education Portal Day. Grianghraf le Cían Flynn, lookalive.ie[/caption]