Deis do Scoileanna: Tionscnamh Braislí Cruthaitheacha 2024-2026

An Roinn Oideachais

Spriocdháta: 10 Bealtaine, 2024

Tá an-áthas ar an Roinn Oideachais oscailt bhabhta nua de Bhraislí Cruthaitheacha a fhógairt don dá bhliain romhainn ó thús mhí Mheán Fómhair 2024. Tá an clár ar fáil do bhunscoileanna agus d’iar-bhunscoileanna, lena n-áirítear scoileanna speisialta, chomh maith le hionaid ógtheagmhála.

Cuireadh suas le €575,000 ar fáil i mbliana do Bhraislí Cruthaitheacha agus cuirfidh sé sin ar chumas 210 scoil teacht le chéile ar fud 42 braisle.

Gheobhaidh gach Braisle Cruthaitheach maoiniú deontais €3,000 in aghaidh na scoile thar thréimhse dhá bhliain chun a dtionscadal 2024–2026 a chur i bhfeidhm.

• Gheobhadh 3 scoil €9,000
• Gheobhadh 5 scoil €15,000

Chomh maith le tacaíocht airgeadais, gheobhaidh gach braisle an méid seo a leanas freisin:

• Éascaitheoir Braisle Cruthaitheach
• Ionadaí Múinteoirí chun freastal ar cheardlanna agus ar chruinnithe
• Fruiliú seomra, taisteal & cothú

Féach an nasc seo a leanas le haghaidh tuilleadh sonraí: Braislí Cruthaitheacha 2024 - Treoirlínte na Roinne Oideachais 

[caption id="attachment_9988" align="alignright" width="354"] Bileoigín do Bhraislí Cruthaitheacha 2024-2026[/caption]

Tá fáilte roimh na scoileanna seo a leanas iarratas a dhéanamh chun páirt a ghlacadh i mBraislí Cruthaitheacha:

• Scoileanna nach raibh páirteach i mBraislí Cruthaitheacha go dtí seo.
• Scoileanna nach raibh páirteach i Scoileanna Ildánacha go dtí seo agus scoileanna a chríochnóidh Bliain 2 de Scoileanna Ildánacha i scoilbhliain 2023/24.
• Scoileanna a chríochnóidh Bliain 2 de Bhraislí Cruthaitheacha i scoilbhliain 2023/24. Mar sin féin, caithfidh siad iarratas a dhéanamh mar chuid de bhraisle nach raibh páirteach sa tionscnamh fós. Sa chás sin, tá sé riachtanach go ndéanfadh an scoil sin iarratas chun braislí scoileanna atá nua don tionscnamh a threorú.

Beidh ról lárnach ag an Ionad Tacaíochta Oideachais áitiúil maidir le Braisle Cruthaitheach a aithint agus tacú leis dá gceantar áitiúil. Roghnófar 42 Braisle Cruthaitheach go náisiúnta - 2 in aghaidh an Ionaid Tacaíochta Oideachais.

Agus an babhta nua de Bhraislí Cruthaitheacha seo á fhógairt aici, dúirt an tAire Foley:

“Is deis iontach seo do scoileanna oibriú le chéile ar thionscadal cruthaitheach dá rogha féin. Tugtar saoirse iomlán do scoileanna chun a dtionscadal féin a dhearadh agus a fhorbairt, le tacaíocht ó áisitheoir áitiúil agus óna n-ionad oideachais áitiúil.

Tá na hiarratais le comhlánú ar líne, agus is féidir iad a dhéanamh i mBéarla nó i nGaeilge, faoin 10 Bealtaine 2024, téigh chuig: https://www.edcentretralee.ie/creative-clusters.html

Aon cheist, déan teagmháil le do thoil le d'Ionad Tacaíochta Oideachais áitiúil nó seol ríomhphost chuig Riarachán Náisiúnta na nEalaíon san Oideachais artsineducation@traleeesc.ie

Tionscnamh de chuid na Roinne Oideachais is ea Braislí Cruthaitheacha, faoi stiúir agus i gcomhpháirtíocht leis na 21 Ionad Oideachais lánaimseartha (Ionaid Tacaíochta Oideachais Éireann - ITOÉ) agus maoinithe tríd an gCiste Barr Feabhais Scoileanna.