An chéad spléachadh ar Bhaboró 2024
Íomhá le caoinchead ó Fhéile Ealaíon Idirnáisiúnta Bhaboró do Leanaí
Féile Ealaíon Idirnáisiúnta Bhaboró do Leanaí
Dátaí: 11 - 20 Deireadh Fómhair 2024
Tiocfaidh Féile Ealaíon Idirnáisiúnta Bhaboró do Leanaí ar ais go Gaillimh i mbliana ón 11 – 20 Deireadh Fómhair. Roimh sheoladh chlár mhí Mheán Fómhair, tá an lucht eagraithe i ndiaidh trí imeacht spleodracha a fhógairt ar féidir le teaghlaigh agus scoileanna a bheith ag súil leo. Ar bhuaicphointí na féile tá ceoldráma craiceáilte ón Ísiltír, léamh fíorghreannmhar ar shaol ‘an duine fhásta’ ón mBeilg, agus suiteáil dhathannach taipéisí teicstíle agus cróise le Laura Angell.
“Fad a ullmhaímidne in Baboró chun an clár féile iomlán a roinnt go luath, bhí mé ar bís le labhairt leat faoi chúpla ceann de na himeachtaí is fearr liom, agus dhá sheó drámaíochta ón Eoraip san áireamh atá greannmhar ar bhealach deisbhéalach dar teideal BullyBully agus Grown Ups. I dteannta taispeántas álainn, ina bhfuil ábhar machnaimh, d’obair shnáthaide agus taipéisí leis an ealaíontóir áitiúil Laura Angell in Ionad Ealaíon na Gaillimhe. Bí ag súil le lear mór seónna agus ceardlanna cruthaitheacha rannpháirtíochta atá fíorálainn do gach aois agus cumas ar fud chathair agus chontae na Gaillimhe i mí Dheireadh Fómhair,” a dúirt Ó hEocha, Stiúrthóir Ealaíne Feidhmeannach.
Cuimseofar leis an gclár iomlán, ceardlanna na n-amharc-ealaíon, ceoil, damhsa, amharclannaíochta, litríochta, cruthaitheacha agus imeachtaí do dhaoine fásta, chomh maith le roinnt mhaith taibhithe eile do gach aois. Tá taibhithe tiomnaithe ag an gclár féile do scoileanna agus ticéid fóirdheonaithe ann do scoláirí agus ticéid saor in aisce ann do mhúinteoirí agus cúntóirí riachtanas speisialta. Soláthraítear Oifig Ticéad Scoileanna tiomnaithe chun cúnamh a thabhairt do ghrúpaí scoileanna lena n-eispéireas áirithintí agus féile.
Conas Ticéid a Chur in Áirithe
Ní mór na háirithintí scoileanna agus grúpa uile a dhéanamh tríd an bhfoirm Iarratais ar Áirithintí ar Líne, rud atá ar fáil ón Luan an 26 Lúnasa. Déan teagmháil le Mars, Idirghabhálaí Oifig na dTicéad do Scoileanna, ag schools@baboro.ie nó 091 532 985 chun cúnamh a fháil le seó a roghnú, áirithintí ar líne, fóirdheontais bus agus aon cheisteanna eile.
Chun tuilleadh eolais a fháil féach www.baboro.ie/plan-your-festival/festival-schools.