Scéalta le Scálú – Ceardlanna Cruthaitheacha do Scoileanna DEIS
Creidiúint na híomhá: Fighting Words
Fighting Words
Dátaí: Bíonn ceardlanna ar siúl ar feadh na bliana acadúla
Is éard is Scéalta le Scálú ann tionscadal atá á reáchtáil ag Fighting Words agus é dírithe ar phlé a dhéanamh le scoileanna DEIS ar fud na hÉireann. Tairgtear ceardlanna cruthaitheacha saor in aisce leis do bhunscoileanna agus iar-bhunscoileanna DEIS. Is féidir go mairfidh siad idir 90 nóiméad agus 2 uair an chloig.
Is in dhá chuid atá na ceardlanna sin: obair ghrúpa agus am scríbhneoireachta aonair. Tá an chéad chuid den cheardlann dírithe ar an ngrúpa agus tús scéil á chruthú aige i dteannta a chéile. Oibríonn éascaitheoir leis an rang chun carachtair a fhorbairt, agus na smaointe go leor a nochtar timpeall an tseomra á gcuimsiú sa phlota.
Sa dara cuid den cheardlann, is féidir le gach scoláire cruthú aonair a fhiosrú. Agus páipéar, pinn luaidhe agus dathanna ag na scoláirí, is féidir leo scéal an ghrúpa a chríochnú nó rud nua a chruthú – is féidir leo a bheith ag tarraingt, ag scríobh, ag canadh – fúthusan atá sé go huile is go hiomlán!
Sa deireadh thiar thall, beidh roinnt ama ann chun saothar a roinnt más mian leis na scoláirí sin a dhéanamh, agus aiseolas dearfach ina dhiaidh sin ó na meantóirí deonacha.
Tar éis do na héascaitheoirí slán a fhágáil leis na scríbhneoirí iontacha (na scoláirí), fáiltítear roimh na múinteoirí na struchtúir a ghlacadh sa seomra ranga agus leanúint den chruthaitheacht a spreagadh.
Oibreoidh Oifigeach Scéalta le Scálú, Pierina Campbell, leis an múinteoir chun ceardlanna a phlé a d’fhéadfadh a bheith ar na cinn is fearr dá rang. Chun tuilleadh eolais a fháil, cliceáil: https://www.fightingwords.ie/what-we-do/tales-scale-scaling-education-deis-schools.