Comhdháil ar Éagsúlacht Chultúrtha san Oideachas Ceoil (CDIME) 2025: Gairm Tograí

Coláiste Mhuire gan Smál agus Dámh Chruinne Éireann Rince agus Ceol, Ollscoil Luimnigh.
Spriocdháta: 16 Nollaig 2024

Gairm Tograí
Beidh an 17ú Comhdháil ar Éagsúlacht Chultúrtha san Oideachas Ceoil (CDIME) ar siúl i Luimneach idir an 30 Meán Fómhair agus an 2 Deireadh Fómhair 2025. Tá ardán curtha ar fáil ag comhdháil CDIME chun cleachtais agus taighde a bhaineann leis an éagsúlacht chultúrtha san oideachas ceoil a mhalartú ó bhí 1992 ann. Tá an chomhdháil á comhóstáil ag Coláiste Mhuire gan Smál agus Dámh Chruinne Éireann Rince agus Ceol, Ollscoil Luimnigh.

Iarrann Comhdháil CDIME 2025 orthu siúd a dhéanfaidh cur i láthair machnamh a dhéanamh ar an téama seo: ‘Living Diversity, Imagining Inclusivity: Practicing (Non-)belongings in Music Education’. Déanfaidh an chomhdháil iniúchadh ar na heispéiris ilghnéitheacha laethúla agus na léirithe éagsúlachta, agus na tosca a shainíonn a hiolracht i dtéarmaí cultúr/stórtha cultúrtha, i.e. cine, aicme, reiligiún, (mí)c(h)umas, inscne, i measc nithe eile.

Cuirtear fáilte roimh thograí, painéil nó cuir i láthair ar chleachtas ealaíon a dhíríonn ar théamaí na comhdhála agus na ceisteanna atá curtha. Cuireann an chomhdháil fáilte roimh réimse leathan disciplíní acadúla agus comhoibrithe pobail, lena n-áirítear naisc idir an t-oideachas ceoil agus disciplíní eile, amhail an eitni-cheoleolaíocht, ceol an phobail, an cheoleolaíocht, teiripe cheoil agus léann an taibhléirithe, chomh maith le dearcthaí trasdisciplíneacha níos leithne a tharraingíonn ar dhisciplíní amhail an fhealsúnacht, an tsocheolaíocht, an tsíceolaíocht, an antraipeolaíocht, an stair, an pholaitíocht, nó an tíreolaíocht.

Ba cheart tograí a chur isteach trí fhoirm ar líne Ghairm na Comhdhála ar Thograí roimh an 16 Nollaig 2024.

I gcomhair tuilleadh faisnéise, treoirlínte maidir le cur isteach, agus foirm iarratais ar líne féach www.mic.ul.ie/CDIME2025