Foilsíonn Scoileanna Ildánacha an iris Youth Voice

Tá ‘Youth Voice in Creative Schools – Reflections on Practice’ foilsithe ag Scoileanna Ildánacha
Deireadh Fómhair 2024

Is éard atá in ‘Youth Voice in Creative Schools: Reflections on Practice’ ná cnuasach cleachtas lena dtaifeadtar agus lena gceiliúrtar saothar leanaí, Comhlach Cruthaitheach agus scoileanna ar fud na tíre, a thugann léargas, cás-staidéir agus ábhair mhachnaimh ar a gcuid oibre, is é sin glór na n-óg i bpróiseas Scoileanna Ildánacha a mhéadú. Tá Scoileanna Ildánacha an-bhródúil as an méid a chuir na daoine óga rannpháirteacha le dearadh agus teanga fhisiciúil an fhoilseacháin.

Is é is aidhm don fhoilseachán seo:

Cleachtas nuálach i gcomhairliúchán óige cruthaithí i gClár na Scoileanna Ildánacha a bhailiú, a chaomhnú agus a cheiliúradh.
An cleachtas sin a chomhroinnt le pobal níos mó.
Treochtaí, patrúin, agus na dúshláin a bhí ann a nochtadh agus a thaifeadadh chun bonn eolas a chur faoin oiliúint amach anseo, chomh maith le riachtanas taighde.

Is é Scoileanna Ildánacha tionscnamh suaitheanta Phlean na hÓige Ildánaí – atá faoi stiúir na Comhairle Ealaíon i gcomhpháirtíocht leis an Roinn Turasóireachta, Cultúir, Ealaíon, Gaeltachta, Spóirt agus Meán, an Roinn Oideachais agus Scileanna, agus an Roinn Leanaí agus Gnóthaí Óige. Ó tionscnaíodh é in 2018, tá páirt glactha ag 462 scoil – bunscoileanna, iar-bhunscoileanna, scoileanna DEIS agus scoileanna speisialta ina measc – sa tionscnamh.

Is é is aidhm do Scoileanna Ildánacha an deis a thabhairt dár leanaí agus dár ndaoine óga an chruthaitheacht a fhiosrú mar dhlúthchuid dá gcuid oideachais, ach na healaíona agus an chruthaitheacht a chur ag croílár a saoil scoile. Forbraítear an clár dhá bhliain i ngach scoil mar chomhpháirtíocht trí bhealach idir na múinteoirí, na comhlaigh chruthaitheacha agus na leanaí agus na daoine óga, agus cuirtear glór na ndaoine óga ag croílár na bpróiseas.

I bhfocail meastóireachta neamhspleáiche a rinneadh anuraidh, tá an clár tar éis ‘… a bheith ag comhoibriú go fiúntach le foghlaimeoirí agus oideoirí chun fócas an oideachais ealaíon a aistriú ó chleachtas rannpháirtíochta cruthaitheach atá dírithe ar an leanbh chuig cleachtas rannpháirtíochta cruthaitheach atá faoi stiúir an linbh’.

Tá ‘Youth Voice in Creative Schools – Reflections on Practice’ le fáil lena íoslódáil anseo