Glao ar Chuir i Láthair agus Ceardlanna: Lá Náisiúnta na Tairsí 2026

Tairseach na nEalaíon san Oideachas
Glao ar Chuir i Láthair agus Ceardlanna: Lá Náisiúnta na Tairsí 2026
Spriocdháta: 16 Meán Fómhair 2026

Tá foireann Thairseach na nEalaíon san Oideachas ag lorg aighneachtaí le haghaidh cuir i láthair agus ceardlanna cruthaitheacha do Lá Náisiúnta na Tairsí a bheidh ar siúl i Scoil Ealaíne agus Dearaidh Ollscoil na Tríonóide, Baile Átha Cliath Dé Sathairn an 7 Samhain 2026.

Is é téama Lá Náisiúnta na Tairsí 2026 ná: Is í an Todhchaí an Chruthaitheacht: Cén fáth a bhfuil na healaíona agus an chruthaitheacht san oideachas níos tábhachtaí ná riamh.

Agus sinn ag déanamh ár mbealaigh trí shaol atá múnlaithe ag athrú teicneolaíochta tapa, dúshláin aeráide, pobail atá ag athrú i gcónaí, agus bealaí nua foghlama agus ceangail, tá cruthaitheacht an duine níos tábhachtaí ná riamh.

Cuirimid fáilte roimh ealaíontóirí, cleachtóirí cruthaitheacha, múinteoirí, oideachasóirí, an lucht acadúil agus gairmithe ealaíon san oideachas chun cur i láthair nó ceardlanna cruthaitheacha a roinnt. Tá suim ar leith againn i dtionscadail agus i gcleachtais a dhéanann iniúchadh ar:

• Na healaíona san oideachas i ré IS agus na dteicneolaíochtaí atá ag teacht chun cinn
• Cuir chuige bunaithe ar na healaíona chun nascadh leis an dúlra, gníomhú ar son na haeráide agus an inbhuanaitheacht.

Critéir le haghaidh roghnúcháin moltaí:

Cuireann Foireann Thairseach na nEalaíon san Oideachas fáilte roimh aighneachtaí ar mholtaí do chuir i láthair agus ceardlanna cruthaitheacha a dhéanann ionadaíocht do:

• Cuir chuige dhinimiciúla
• Bealaí nua oibre
• Gríosú
• Cuir i láthair/ ceardlanna a bhfuil guthanna leanaí san áireamh
• Obair a léiríonn tiomantas do bharr feabhais
• Torthaí láidre aeistéitice agus/nó oideachasúla

Beidh ár roghnúchán moltaí bunaithe ar an bhfonn i leith:

• Dea-réimse náisiúnta tíreolaíoch
• Réimse cineálacha ealaíne
• Ionadaíocht do luathbhlianta, bunscoil, meánscoil, Ógtheagmháil
• Ionadaíocht chomhchoiteann do na healaíona san oideachas agus earnálacha cruthaitheacha
• Cothromaíocht de chuir chuige phraiticiúla agus theoiriciúla

Conas iarratas a dhéanamh:

Is é 5in, Dé Céadaoin, an 16 Meán Fómhair an spriocdháta d’aighneachtaí moltaí.

Ní mór moltaí a chur isteach le húsáid a bhaint as Google Forms, cliceáil ar na naisc thíos chun rochtain a fháil ar na foirmeacha.

Cliceáil anseo chun togra a chur isteach le haghaidh Cur i láthair.
Cliceáil anseo chun togra a chur isteach le haghaidh Ceardlann Chruthaitheach.

Le haghaidh tuilleadh fiosrúcháin déan teagmháil le editor@artsineducation.ie.