Fáilte chuig Tairseach nua na nEalaíon san Oideachas . . .

Is é éiteas na tairsí ná chun pobal cleachtais laistigh de na healaíona agus den oideachas a fhorbairt, agus spás a sholáthar inar féidir tacaíocht agus spreagadh a thabhairt d’ealaíontóirí agus do mhúinteoirí araon.  Soláthróidh an tairseach ardán trína dtacófar, trína bhforbrófar agus trína bhfeabhsófar cleachtas dea-chomhoibrithe sna healaíona san oideachas.  Tabharfar cuireadh d’aighneachtaí don tairseach ar bhonn leanúnach agus cuireadh teimpléid agus treoirlínte i dtoll a chéile chun cabhrú leo siúd ar mian leo aighneacht a dhéanamh.  Tá forbairt na Tairsí bunaithe ar an mian chun daoine a chumasú, agus chun cur le muinín, paisean agus tacaíocht. Tá comhchreideamh tréan intuighte i luach intreach na n-ealaíon i saol leanaí mar bhonn agus taca le forbairt na tairsí. Beidh ról ag an Tairseach – tríd an ábhar a chomhroinneann sí – chun tacú leis an luach seo. Lorgaíonn an tairseach chun an cleachtas reatha a léiriú atá ar bun in Éirinn. Is é fís na tairsí chun struchtúr a bhunú trínar féidir pobal na n-ealaíon agus an oideachais a fhorbairt. Forbrófar an t-ábhar feasta trí thacaíocht leantach agus tríd an bpobal a fhorbairt ar líne agus as líne araon. Tabharfar isteach gnéithe nua don Tairseach ar bhonn céimnithe sna míonna amach romhainn.

Staire

Bhí Tairseach na nEalaíon san Oideachas ar cheann de chuspóirí Chairt na nEalaíon san Oideachas – a shínigh an tAire Oideachas agus Scileanna agus an tAire Ealaíon, Oidhreachta agus Gaeltachta i Nollaig 2012. Ba mhórchuspóir i gCairt na nEalaíon san Oideachas Tairseach Náisiúnta Ar Líne na nEalaíon san Oideachas a bhunú i dtaobh oideachas na n-ealaíon in Éirinn (4.12). Thug Grúpa um Chur i bhFeidhm na Cairte, a bhunaigh an bheirt Airí in 2013, aird mhionsonraithe ar phleanáil agus ar dhearadh na tairsí sin.  Le cúnamh a fháil ó shaineolaithe ó eagraíochtaí comhpháirtíochta éagsúla, a bhfuiltear buíoch as, rinneadh go leor dul chun cinn agus seoladh Tairseach Ealaíon san Oideachas na hÉireann an 19 Bealtaine, i gCaisleán Bhaile Átha Cliath.

Rialachas

Déanann Coiste Eagarthóireachta, ina bhfuil ionadaithe de na grúpaí páirtithe leasmhara ar a bhfreastalaíonn an Tairseach maoirsiú ar rialachas Thairseach na nEalaíon san Oideachas. Is iad comhaltaí reatha an choiste:

An Dr Katie Sweeney (Cathaoirleach)
An Stiúrthóir Náisiúnta do Chomhtháthú na nEalaíon san Oideachas (DES)
..........
Helen O’Donoghue
Coimeádaí Sinsearach: Rannpháirtíocht agus Foghlaim, Aras Nua-Ealaíne na hÉireann
(Ionadaí Encountering the Arts, Ireland)
..........
Phil Kingston
Bainisteoir Pobail agus Oideachais, Amharclann na Mainistreach
(a dhéanann ionadaíocht do Chomhairle Náisiúnta na nInstitiúidí Cultúrtha)
..........
Patrick Coffey
Comhordaitheoir Náisiúnta, SFGM Teicneolaíocht san Oideachas/Scoilnet
..........
Kate Delaney
Príomhaí Cúnta sa Chlár Éire Ildánach
(Ionadaí na Roinne Cultúir, Oidhreachta agus Gaeltachta)
..........
Catherine Boothman
Bainisteoir Scoileanna Ildánacha, an Chomhairle Ealaíon
..........
Jennifer Buggie
Comhairleoir do Chomhtháthú na Cruthaitheachta agus na nEalaíon san Oideachas
(Ionadaí de chuid na Rannóige Beartas Curaclaim agus Measúnachta)
..........
Edel Doherty
Bainisteoir Tionscadail, Kids’ Own Publishing Partnership Ltd
(Eagarthóirí Tairseacha)

..........

Tá Polasaí Príobháideachais Thairseach na nEalaíon san Oideachas ar fáil artsineducation.ie/ga/privacy-policy/