Leabhair Pháistí Éireann: Clár Junior Juries'
Creidiúint na híomhá: Leabhair Pháistí Éireann
Leabhair Pháistí Éireann
Tá lúcháir ar Leabhair Pháistí Éireann a fhógairt gur féidir clárú anois do Scéim Junior Juries 2024 - atá mar chuid de Ghradaim KPMG Leabhair Pháistí Éireann Is clár ar leith é Junior Juries do scoileanna, do leabharlanna agus do chlubanna leabhar atá deartha le scíthléitheoireacht a chur chun cinn agus tuiscint a chothú ar réimse leathan leabhar do gach aois.
Déanann ranganna rannpháirteacha a rogha féin de theidil oiriúnacha ó ghearrliosta Ghradaim KPMG Leabhair Pháistí Éireann, a fhógrófar ar an 7ú Feabhra ar líne agus in Ionad Ealaíon an Chorráin, Béal Feirste. Cuirfear pacáiste acmhainní digiteacha atá saindeartha ar fáil do gach grúpa ionas gur féidir le rannpháirtithe dul i ngleic leis na leabhair atá roghnaithe trí pháirt a ghlacadh i dtráth na gceist, i ndíospóireachtaí, i gcomhráite, i dtionscadail taighde, i scríbhneoireacht chruthaitheach, agus i ngníomhaíochtaí amharcealaíne a chuirfidh lena dtaithí léitheoireachta. Ag deireadh an phróisis seo, iarrtar ar gach grúpa scór a thabhairt le chéile do na leabhair atá léite acu.
Tá clárú saor in aisce go hiomlán, agus gheobhaidh gach grúpa:
- Pacáiste acmhainní digiteacha
- Leabharmharcanna
- Póstaer
Mar chuid den scéim Junior Juries, is féidir le grúpaí cláraithe iarratas a dhéanamh ar na deiseanna saor in aisce seo a leanas*:
- Cuairt údair nó maisitheora ar líne nó ar an láthair ar do scoil Márta – Aibreán 2024
- Cuairt ó oibrí deonach de chuid KPMG ar an 21 Márta 2024
- Cóipeanna de na leabhair ar an ngearrliosta
- Seans a bheith mar chuid d'fhíseán gearr ar líne faoi na Junior Juries
- Ag freastal ar an searmanas bronnta ar an láthair ar an 22ú Bealtaine 2024
*Tá na deiseanna seo teoranta agus bunaithe ar riachtanas. Tabharfar iarratais ar leabhair nó ar chuairteanna údair/maisitheora/oibrí deonach do na grúpaí sin is mó a léiríonn go bhfuil gá leo.
Cláraigh ar líne anseo:
Foirm Chláraithe 2024 do Junior Juries’
Tá tuilleadh eolais faoi na gradaim agus scéim Junior Juries le fáil anseo:
https://childrensbooksireland.ie/what-we-do/kpmg-childrens-books-ireland-awards/junior-juries-programme
Tá clárúchán do Junior Juries ar siúl ar fad. Más mian leat iarratas a dhéanamh ar chuairt údair nó ar chuairt ó oibrí deonach de chuid KPMG, áfach, cinntigh go gcláróidh tú do rang tráth nach déanaí ná an 1 Márta 2024.