Leabharlanna CSTS Dúshlán Grianghrafadóireachta SNAP

Leabharlanna CSTS

Dáta deiridh: 15 Márta 2024

Tá dúshlán spreagúil nua grianghrafadóireachta á reáchtáil ag Leabharlanna CSTS. Is féidir le scoláirí meánscoile i ngach bliainghrúpa páirt a ghlacadh sa dúshlán ionchuimsitheach seo. Is é an aidhm tacú le daoine óga a gcleachtas ealaíne, a gcruthaitheacht, a n-úrmhaireacht agus a bhféinléiriú a fhorbairt trí mheán na grianghrafadóireachta.

Is é an príomhsmaoineamh atá taobh thiar den tionscnamh seo ná litearthacht amhairc agus smaointeoireacht chruthaitheach a chur chun cinn. Le páirt a ghlacadh, moltar do scoláirí grianghraf laethúil a ghlacadh spreagtha ag focail leide laethúla i rith mhí Feabhra. Is féidir le scoláirí pictiúr a ghlacadh de dhaoine, d'áiteanna nó de rudaí timpeall orthu. Spreagann an liosta leide do scoláirí chun staidéar a dhéanamh ar an domhan mórthimpeall orthu agus chun díriú ar ghnéithe amhairc, lena n-áirítear uigeacht, patrún, dath agus cruth. Tabharfaidh acmhainní breise ar jcsplibraries.com deis do scoláirí naisc a dhéanamh idir grianghrafadóireacht agus uimhearthacht, leideanna agus cleasa nua a fhoghlaim, agus a litearthacht a fhorbairt le heochairfhocail ghrianghrafadóireachta. Tá an dúshlán thar a bheith solúbtha: is féidir le scoláirí, clubanna nó ranganna aonair páirt a ghlacadh ann.

Tá an Dúshlán oscailte do scoláirí i ngach meánscoil CSTS/DEIS agus roghnófar buaiteoirí i 3 chatagóir:

1. An tSraith Shóisearach
2. An Idirbhliain agus an tSraith Shinsearach
3. Riachtanais Speisialta

CONAS IONTRÁIL A DHÉANAMH:

• Tá an comórtas grianghrafadóireachta nua spreagúil seo oscailte do scoláirí i meánscoileanna CSTS agus DEIS ar fud na hÉireann.
• Beidh trí chatagóir duaiseanna ann: An tSraith Shóisearach, An tSraith Shinsearach, Riachtanais Speisialta.
• Is féidir le gach scoil uasmhéid de 5 iontráil a chur isteach in aghaidh na catagóire.
• Ní mór gur bunsaothar na scoláirí atá i ngach iontráil.
• Ní mór gach iontráil a chur isteach tríd an scoil agus an fhoirm iontrála oifigiúil a úsáid. Níor cheart do scoláirí iontrálacha a chur isteach go díreach.
• Seol comhad digiteach nó déan scanadh ar iontrálacha do scoláirí ar fad agus seol chuig info@jcsplibraries.ie iad mar aon le cóip den fhoirm iontrála ina sonraítear sonraí do scoile agus sonraí na scoláirí rannpháirteacha.

Léigh tuilleadh agus íoslódáil an fhoirm iontrála anseo https://jcsplibraries.com/2024/02/01/jcsp-libraries-snap-photography-challenge/