Gairm ar Chuir i Láthair agus Ceardlanna – Lá na Tairsí Náisiúnta 2025

Tairseach na nEalaíon san Oideachas
Spriocdháta: 5i.n., Dé Céadaoin, an 10 Meán Fómhair

An ealaíontóir, múinteoir, oideachasóir acadúil nó ealaíon tú a bhfuil rud éigin spreagúil le roinnt agat? Beidh ár 10ú hócáid bhliantúil de Lá Náisiúnta Thairseach na nEalaíon san Oideachas á reáchtáil againn ar Dé Sathairn, an 8 Samhain 2025 agus ba bhreá linn cloisteáil uait!

Agus an lá á reáchtáil i Scoil na hEalaíne agus Deartha de chuid Ollscoil Teicneolaíochta Bhaile Átha Cliath, tugann Lá Náisiúnta Thairseach na nEalaíon san Oideachas baill de phobal bríomhar na n-ealaíon san oideachas agus sa chleachtas cruthaitheach in Éirinn le chéile – chun bualadh lena chéile, smaointe a mhalartú, a bheith spreagtha ag a chéile agus le dea-chleachtais a fhiosrú.

Cuireann Coiste Eagarthóireachta Thairseach na nEalaíon san Oideachas fáilte roimh mholtaí ó dhaoine aonair agus ó eagraíochtaí a bhfuil suim acu cuir i láthair agus ceardlanna tarraingteacha agus bríomhara a sheachadadh. Más ag roinnt teicnící cruthaitheacha, cuir chuige nuálacha nó léargais atá ina ábhair mhachnaimh atá tú – ba bhreá linn spléachadh a fháil ar do mheon.

I mbliana, leanfar leis an mbéim speisialta ag Lá na Tairsí ar ‘Amplifying All Voices’.

Critéir maidir le tograí a roghnú:

Cuireann Coiste Eagarthóireachta Thairseach na nEalaíon san Oideachas fáilte roimh thograí le haghaidh ceardlann agus cur i láthair a léiríonn:

• Cuir chuige dhinimiciúla
• Bealaí nua oibre
• Cuir i láthair/ceardlanna ina n-áirítear guthanna leanaí
• Obair a léiríonn tiomantas don bharr feabhais
• Torthaí láidre aeistéitiúla agus/nó oideachais

Beidh ár rogha tograí bunaithe freisin ar an mian atá ann do na nithe seo a leanas:

• Dea-raon tíreolaíoch náisiúnta
• Raon foirmeacha ealaíne
• Ionadaíocht luathbhlianta, bunscoile, iar-bhunscoile agus Ógtheagmhála
• Ionadaíocht chomhionann do na healaíona san oideachas agus earnálacha cruthaitheacha araon
• Cothromaíocht idir cuir chuige phraiticiúla agus theoiriciúla

Conas iarratas a dhéanamh:
Is é an spriocdháta chun tograí a chur isteach ná 5i.n. Dé Céadaoin an 10 Meán Fómhair.
Ba cheart tograí a chur isteach trí úsáid a bhaint as Google Forms, cliceáil ar na naisc thíos chun rochtain a fháil ar an bhfoirm.

Cliceáil anseo chun togra a chur isteach do Chur i Láthair
Cliceáil anseo chun togra a chur isteach do Cheardlann

Má bhíonn aon cheist agat, déan teagmháil le editor@artsineducation.ie.