Fógra: Scoileanna a Roghnaíodh do Chónaitheachtaí Ealaíona san Oideachas BLAST 2025 agus do Chnuasaigh Chruthaitheacha.

An Roinn Oideachais agus Óige
4 Iúil

D’fhógair an tAire Oideachais agus Óige Helen McEntee sonraí faoi thionscnaimh a thacóidh le daltaí agus scoláirí níos mó deiseanna a fháil a bheith cruthaitheach, agus d’fhógair sí scoileanna a ghlacfaidh páirt in dhá Chlár Óige Ildánach freisin agus sheol sí uirlis léarscáilíochta sonraí nua chun níos mó rannpháirtíochta cruthaitheachta a chumasú.

D’fhógair an tAire McEntee ainmneacha 429 scoil a ghlacfaidh páirt i gCónaitheachtaí Ealaíona san Oideachas BLAST 2025, chomh maith le sonraí ar na 43 Cnuasach Cruthaitheach ina mbeidh 151 scoil ar fud na tíre páirteach. Tá an dá chlár mar chuid den Phlean Óige Ildánach 2023 – 2027.

Féach BLAST agus Scoileanna Cnuasaigh Chruthaitheacha 2025 anseo: gov.ie/en/department-of-education

Ina theannta sin, sheol an tAire McEntee uirlis léarscáilíochta idirghníomhach sonraí nua a leagfaidh amach rannpháirtíocht scoileanna agus ionaid Ógtheagmhála ar fud na tíre le tionscnaimh Óige Ildánach agus a tharraingeoidh aird ar réimsí ina mbeadh tacaíocht bhreise tairbheach.

Dúirt an tAire McEntee:

“Tá sé an-tábhachtach go bhfuil an deis ag scoláirí agus daoine óga a bheith cruthaitheach, spraoi a bheith acu, agus iad ag obair agus ag foghlaim le chéile. Trí thimpeallacht a chruthú a spreagann foghlaim chruthaitheach, is féidir le múinteoirí cabhrú lena ndaltaí iad féin a chur in iúl, scileanna foirne a fhorbairt agus an bhraistint atá acu maidir le freagracht shóisialta, athléimneacht agus comhbhá a fhorbairt a thuilleadh”

Chun an preaseisiúint iomlán a léamh, féach gov.ie/en/department-of-education