The Big Bang

An tOllphléasc: Clár Meantóireachta Cumadóra Óig

Ceapadh Brian Irvine, de bhunadh Bhéal Feirste, Cumadóir Cónaithe Ghlúin an Cheoil Shligigh i Meán Fómhair 2012. Choimisiúnaigh agus sheinn an Cheolfhoireann Shiansach Náisiúnta, Ceoltóirí Aireagail Mhoscó, Fondúireacht Roald Dahl, Sesame Street, Channel 4, RTÉ agus BBC TV, Ceoldráma Náisiúnta na Breataine Bige, Opera Theatre Company Ltd. agus Comhairle Contae Cheatharlach, i measc go leor eile, saothar Bhriain go fairsing. Chomhoibrigh sé le réimse ealaíontóirí idir Séamus Heaney, a bhásaigh, agus Snow Patrol. Rinne an Scéim Per Cent for Art Clár an Chumadóra Cónaithe a chistiú mar Choimisiúnú Ealaíne Poiblí.

Ba é cúram Bhriain saothar nua a chruthú a sheinnfeadh daoine óga i Sligeach agus, ba thábhachtach dó oibriú le líon daoine óga ó Shligeach i gClár Meantóireachta Cumadóra Óig. D’iarr na coimisinéirí, Coiste Stiúrtha Ealaíne Poiblí de chuid Sheirbhís Ealaíon Chomhairle Contae Shligigh ar an ngné seo den chlár. D’oibrigh seisear cumadóirí óga le Brian óna mbunláthair ag Caifé Óige Foróige i mbaile Shligigh ‘The Crib’ ó Dheireadh Fómhair 2012 ar aghaidh, agus thug cúigear díobh a saothar chun críche a sheinnfidh lucht a bpiaraí ar stáitse i gcomhthráth le cumadóireacht féin Bhriain, agus seo dúinn an tOllphléasc.

Ba shárghníomhaíocht thábhachtach an tionscadal don uile dhuine a raibh baint acu leis.  Tá an t-ádh ar Ghlúin an Cheoil Shligigh go bhfuil acu tallann, tiomantas, fuinneamh agus díocas ár gcumadóirí óga, na ceolfhoirne agus an chóir agus, dar ndóigh, a gceannasaithe agus a múinteoirí. Tá saibhreas ceoltóirí agus deontóirí ag Sligeach, a bhfuil oideachas ceoil á éascú acu, i dteannta le Glúin an Cheoil, i measc dhaoine óga Shligigh, an chéad ghlúin eile de cheoltóirí, múinteoirí agus lucht féachana.